Draumur: Veikt hjarta

Mig dreymdi draum í nótt.Ég var á spítala með veikt hjarta. Háfdán úr sjónvarpinu var læknirinn minn og sagði að ég þyrfti aðgerð. Fyrr en varði var ég kominn með svona 1 cm breiða slöngu undir húðina frá brjóstinu í annan upphandlegginn á mér. Þetta var víst vegna þess að hjartað mitt var ekki nógu sterkt til að dæla blóði í hendina.Ég spurði Hálfdán hvort það væri ekki svoldið skrítið að ég væri hjartveikur aðeins 26 ára og hugsaði með mér "Hvenær ætli ég komist þá næst í körfubolta."Sem betur fer var Krúsa við hlið í draumnum mér og studdi mig gegnum þetta. Hún er annars í Köben núna svo ég er einstæður faðir í nokkra daga.Er maður orðinn svo gamall að maður þurfi að fara að hafa áhyggjur af hjartanu sínu í draumum?

Svo virðist vera.

Flottur bíll

Ef þið eruð að fara að kaupa nýjan bíl þá er mundi ég mæla með þessum.

Perfect fyrir alla Íslendingana sem eru fastir í Köben.
Geta bara skellt sér í helgarferð til Íslands án þess að þurfa að borga flug.

Reyndar spurning hversu langan tíma það tæki á 65km hraða.
Svo ekki sé minnst á öldurnar.

Ósanngirni - Flugfélag Íslands

TAKTU EKKI FLUGIÐ

Krúsa og Ingunn litla ætluðu að fljúga til Akureyrar í dag. Greyið Ingunn er því miður búin að vera veik síðustu daga með eyrnabólgu, hita og kvef. Það leit því ekki út fyrir að það væri góð hugmynd að fljúga með hana til Akureyrar í dag. Krúsa hringdi í Flugfélagið í morgun og ætlaði að kanna hvort hægt væri að fá miðan endurgreiddan. Þar sem þetta var svokallaður netsmellur kom í ljós að ekki var hægt að fá hann endurgreiddan. Það var aðeins í boði að breyta miðanum og borga einhverjar 6000 kr. í viðbót sem Krúsa afþakkaði.

3 tímum síðar kom í ljós að Ingunn var laus við hitann og þær mæðgur voru því að spá í að fara jafnvel bara til Akureyrar í sumarbústað til Afa og Ömmu eftir allt saman. En þá kom í ljós að búið var að afpanta miðann og sama hvað við ræddum við sölufólkið hjá Flugfélaginu þá neytuðu þau að leiðrétta þetta. Buðu okkur aðeins að kaupa nýjan miða á fullu verði, 12000 kr.

Svo ég sit uppi með þær sætu mæðgur :S

Sanngjarnt?